Pavlodar oblysynyń muraǵatynda Naýryzǵa qatysty tarıhı qujat saqtaýly
Pavlodar ýezi Atqarý komıtetiniń habarlamasynda bylaı delingen: «Ýprofsekretarıattyń habarlandyrýyna sáıkes, búgin 22 naýryz - «Rýhanı kúnniń» ornyna toılanýy tıis Ulttyq mereke kúni (Qyrǵyz Jańa jyly), osyǵan oraı búgin sabaqtardy toqtatý usynylady. Habardar bolǵandyǵy jóninde qoltańba qaldyrý».
Bul qujat Pavlodar oblystyq memlekettik arhıvinde saqtaýly tur.
Oblystyq memlekettik arhıv qyzmetkerleriniń aıtýynsha, osy habarlamada Naýryz kúni jumys istemeıtin jáne sabaqtar bolmaıtyn kún dep jarııalanǵan. Sebebi, qujattyń ekinshi betinde onyń mazmuny ýezdik áskerı komıssarǵa, qarjy bólimine, halyqtyq bilim berý bólimi men basqa da mekemelerge baǵyttalǵany kórsetilgen.
Foto men qujattyń túsindirmesin Pavlodar oblystyq memlekettik arhıvi usyndy.
