Pavlodar oblysynyń memlekettik arhıvi basshysy paramen ustaldy

ASTANA. QazAqparat - «Pavlodar oblysynyń memlekettik arhıvi» mekemesi basshysynyń mindetin atqarýshy paramen ustaldy, dep xabarlaıdy QazAqparat.

QR Memlekettik qyzmet isteri jáne sybaılas jemqorlyqqa qarsy is-qımyl agenttigi taratqan aqparatqa sáıkes, sheneýnik osydan eki kún buryn ustaldy. Ol memlekettik arhıv ǵımaratyna júrgizilgen jóndeý boıynsha keıbir kemshilikterdi jasyrǵany úshin 500 000 teńgeni talap etken. Osy aqshanyń 10 protsentin- 50 000 teńgeni alǵan kezde ony sybaılas jemqorlyqqa qarsy bıýrosynyń qyzmetkerleri qolǵa túsirdi.

«Kinásin tolyq moıyndaýyna baılanysty kúdikti qamaýǵa alǵan joq. Tergeý sharalary jalǵasýda», - deıdi agenttiktiń resmı ókili Janna Bastarova.