Pavlodar oblysynyń mektepterinde bir mezgilde Memlekettik tý kóteriledi
PAVLODAR. QazAqparat - 1 qyrkúıek kúni Pavlodar oblysynyń barlyq mektepterinde bir mezgilde Memlekettik týdy kóterý rásimi ótedi, dep habarlaıdy QazAqparat pavlodarnews saıtyna silteme jasap.
Bilim berý bólimi basshysynyń orynbasary Lıýdmıla Kazantsevanyń aıtýynsha, Pavlodar oblysynyń mektepterinde alǵashqy ret bir ýaqytta Memlekettik tý kóteriledi. Bilim berý mekemelerinde saltanatty jıyndar 1 qyrkúıek kúni saǵat 10.00-de bastalady.
«Alǵash ret pavlodarlyq mektepterde flagshtoktar ornatyldy. Bilim kúni Týdy kóterý mártebesi mektepterdiń úzdik oqýshylaryna beriledi. Olardyń arasynda halyqaralyq, respýblıkalyq jáne oblystyq olımpıadalardyń jeńimpazdary men mektep belsendileri bar. Flagshtoktyń bıiktigi 3,5-4 metr», - dedi Lıýdmıla Kazantseva.
Aıta ketý kerek, bıyl mektep tabaldyryǵyn alǵash 5122 oqýshy attaıdy. Al 11-shi synypty myńnan asa túlek támamdaıdy. Pavlodar qalasynda 5579 ustaz eńbek etedi. Olardyń 2851-i mektepterde, 2275-i mektepke deıingi bilim berý mekemelerinde, 453-i mektepten tys mekemelerde jumys isteıdi. Bıyl synyp saǵattary «Men óz elimniń patrıotymyn» taqyrybynda ótip, oǵan mekteptiń tabysty túlekteri qatysatyn bolady.
Jalpy Ertis óńirinde 362 mektep bar.
