Pavlodar oblysynyń qańtar-aqpandaǵy EAEO elderimen ózara saýdasy 242 mln dollarǵa jetti

PAVLODAR. QazAqparat –2020 jylǵy qańtar-aqpandaǵy Pavlodar oblysynyń EAEO múshe memlekettermen ózara saýdasy 242 mıllıon AQSh dollaryn qurady. Oblystan 145,2 mıllıon AQSh dollaryna teń taýar shyǵaryldy, dep habarlaıdy pavlodarnews.kz óńirlik statıstıka departamentine silteme jasap.

Al 2020 jylǵy osy ýaqyt aralyǵynda negizgi kapıtalǵa salynǵan ınvestıtsııalar kólemi 54,3 mıllıard teńgeni nemese 2019 jylǵy qańtar-naýryzben salystyrǵanda 115,1 paıyzǵa artqan. Qurylys jumystarynyń kólemi 14,5 mıllıard teńgege jetti.

Jalpy alańy 48 myń sharshy metr turǵyn úı paıdalanýǵa berildi. Departamenttiń habarlaýynsha, 2020 jylǵy qańtar-naýryzda ónerkásip óndirisiniń kólemi 503,2 mlrd teńgeni qurady. Atalǵan kezeńde aýyl, orman jáne balyq sharýashylyǵynyń jalpy ónim kólemi 26,6 mlrd teńge boldy.

Sonymen qatar, 2020 jylǵy 1 sáýirdegi jaǵdaı boıynsha oblystyń bıznes qurylymyndaǵy shaǵyn jáne orta kásipkerlik (ShOK) jumys istep turǵan sýbektileriniń sany 44868 nemese 2019 jyldyń sáıkes kezeńimen salystyrǵanda 99,2% qurady. 2020 jyldyń 1 qańtaryna ShOK jumyspen qamtylǵandar sany 134,5 myń adam nemese 2019 jyldyń sáıkes kezeńimen salystyrǵanda 100,7% boldy.

Aıta keteıik, 2019 jylǵy qańtar-qyrkúıektegi óndirilgen jalpy óńirlik ónimniń kólemi 1858,9 mlrd teńgegen jetken.