Pavlodar oblysynyń eki aýdanynda balyq qyryldy
Bul jaıynda Zaısan-Ertis oblysaralyq basseındik balyq sharýashylyǵy ınspektsııasy málimet taratty.
19 sáýirde arnaıy komıssııa Aqtoǵaı aýdanynyń Áýelbek aýylyna jaqyn mańdaǵy Lomovaıa atty ózen tarmaǵyna barǵan.
Pavlodar oblysy ekologııa departamentiniń mamandary sý synamasyn aldy.
Komıssııanyń pikirinshe, balyq qyrylýynyń aldyn ala sebebi - qysta sýda otteginiń bolmaýy.
Naqty sebebi keıin anyqtalady jáne ol týraly qosymsha habarlanady.
Qyrylǵan balyqtyń kólemi - 164 kg (sazan – 150 kg, shortan – 7 kg, kókserke - 2 kg jáne taban – 5 kg ).
Osy kúnderi Pavlodar oblysy Aqsý qalasy Qyzyljar aýylynyń mańyndaǵy Ilıýshka shaǵyn ózeninde de balyq qyryldy.
Jaǵdaıdyń jaı-japsaryn anyqtaý maqsatynda 20 sáýirde komıssııa oqıǵa ornyna bardy.
Ekologtar zerthanada taldaý júrgizý úshin sýdan synama aldy.
Balyq qyrylǵan jerdi tekserý kezinde komıssııa Ilıýshka shaǵyn ózeniniń bir tusy qys kezinde túbine deıin muz bolyp qatyp qalǵanyn anyqtady.
Ilıýshka ózeninde balyq qyrylýynyń naqty sebebi zertteý qorytyndysy shyqqan soń belgili bolady.
Jergilikti atqarýshy organdar qyrylǵan balyqty jınap, kádege jaratady.
Onyń kólemi - 25 kg shortan.
