Pavlodar oblysynyń bıligi shomylýǵa arnalǵan oryndardy anyqtaýda
PAVLODAR. QazAqparat - 2018 jyldyń basynan Pavlodar oblysyndaǵy sýǵa shomylý maýsymynyń ashylýyna deıin qutqarýshylar segiz adamnyń ómirin qutqaryp qalǵan, dep habarlaıdy QazAqparat tilshisi.
«Jergilikti atqarýshy organdardyń sáıkes qyzmetteri ashyq sý qoımalaryndaǵy oryndardy belgileıdi. Keıin súńgýirler sý qoımalarynyń tabanyn tekserip, adamdardyń japa shegýiniń aldyn alý úshin jaraqattaıtyn zattardan tazartady», - dep málim etti Pavlodar oblysy Tótenshe jaǵdaılar departamentinen.
TJD jedel-qutqarý otrıadynyń bas qutqarýshysy Erqanat Aqqýzınovtyń aıtýynsha, ólimge ákelip soǵatyn jaǵdaılardyń barlyǵy shomylýǵa arnalmaǵan, qaýipti jerlerde oryn alǵan. Statıstıkanyń málimeti boıynsha, qaza tapqandardyń 70 % - demalys kezinde mas kúıinde sýǵa túsken adamdar. Al balalardyń ólimi kóbinese ata-ananyń durys baqylap, qaramaǵanynan bolady.
«2018 jyldyń basynan oblystyń sý qoımalarynda segiz adam qutqarylǵan, atap aıtqanda, Pavlodar men Aqsý qalalarynda 2 adamnan, Ekibastuz, QAES-2-de 4 adam ólim aýzynan qalǵan», - dedi Tótenshe jaǵdaılar departamentinen.
Foto: tv-mig.ru
