Pavlodar oblysynyń bas sanıtar dárigeri jańa qaýly qabyldady
PAVLODAR. QazAqparat – Pavlodar oblysynyń Bas memlekettik sanıtarlyq dárigeri jańa qaýly qabyldady, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Jańa qaýly talaptaryna sáıkes, Pavlodar oblysynyń ákimdigi, oblys qala men aýdan ákimderi, memlekettik organ, uıym, kásipkerlik sýbektileriniń, zańdy tulǵalardyń basshylary ashyq jáne jabyq ǵımarattarda kórinisti, otbasylyq, oıyn-saýyq, ujymdyq, korporatıvtik, saltanatty (banketter, úılený toılary, mereıtoılar, as berý) is-sharalaryn jáne adamdar kóp jınalatyn ózge de is-sharalardy ótkizýge, sondaı-aq jeke úı-jaılar men qurylymdardy buqaralyq korporatıvtik jáne basqa sharalardy ótkizý úshin jalǵa alýǵa tyıym salýy kerek.
Sondaı-aq oıyn-saýyq mekemeleriniń (karaoke, bılıard, qorqor bólmeleri, kompıýter klýbtary, oıyn klýbtary, býkmeker keńseleri, loto termınaldary bar obektiler, túngi klýbtar, boýlıng ortalyqtary) qyzmetine tyıym salynady. Fýdkorttardyń, banket zaldarynyń da jumys isteýine bolmaıdy.
Al qalaaralyq, aýdanaralyq avtobýs, shaǵyn avtobýs jolaýshylar tasymalynyń jumysyna ruqsat.
Sondaı-aq keńesterdi, (otyrystardy) QR BMSD №68 Qaýlysynyń talaptaryn eskere otyryp, qashyqtan formatta ótkizý múmkin emes ekendigi dáleldengen jaǵdaıda kózbe-kóz ótkizýge, mádenıet obektileriniń 50 adamnan aspaıtyn jaǵdaıda (daıyndyqtar) qyzmetine, BMSD №67 qaýlysynyń talaptaryn saqtaı otyryp, syıymdylyǵyn 30%-dan asyrmaı teatrlardyń, kınoteatrlardyń jumysyna, BMSD №67 qaýlysynyń talaptaryn saqtaı otyryp, kitaphanalardyń, mýzeılerdiń qyzmetine, kúsheıtilgen sanıtarııalyq-dezınfektsııalyq rejımdi saqtaı otyr, ashyq aýada attraktsıondardyń qyzmetine ruqsat etilgen.
Qaýlynyń tolyq mátinimen myna jerden tanysýǵa bolady.
