Pavlodar oblysynyń Astanadaǵy jármeńkesinde 700 tonnadan astam ónim jetkizilmek
ASTANA. QazAqparat - Erteń Pavlodar oblysynyń Astanaǵa turǵyndaryna usynǵan jármeńkede 700 tonnadan astam ónim usynylady. Bul týraly búgin elordada Astana ákimdigi men Pavlodar oblysynyń ákimdigi arasynda saýda-ekonomıkalyq qatynasty júzege asyrý jónindegi memorandýmǵa qol qoıý kezinde málim boldy.
Atap aıtqanda, 26-27 qyrkúıekte qaladaǵy «MEGA» saýda oıyn-saýyq ortalyǵyna qarama-qarsy alańda atalǵan óńirdegi aýyl sharýashylyǵy taýaryn óndirýshilerdiń qatysýymen jármeńke ótedi. Bıyl Pavlodar oblysynan 100-den astam qaıta óńdeý kásiporyndary men fermerler 184 mln. teńgeniń 730 tonna ónimderin alyp keledi. Barlyq ónimder bólshek baǵalardan 15-20 paıyzǵa tómen saýdalanady. Belgili bolǵandaı, et pen etten jasalǵan ónimder -108 tonna, sút ónimderi - 25 tonna, kartop - 300 tonna, kókónister men baqsha daqyldary - 490 tonna, un -20 tonna, kúnbaǵys maıy - 18 tonna, bal -3 tonna, sondaı-aq basqa da ónimder bar. Aıta keteıik, Qazaqstan aımaqtarynyń aýyl sharýashylyǵy ónimderi jármeńkeleri Astanada azyq-túlik ónimderine baǵany turaqtandyrý maqsatynda uıymdastyrylýda. 20 tamyzdan beri qalada apta saıyn birqatar oblystardyń jármeńkeleri ótkizildi.
