Pavlodar oblysynyń ákimshiligi Tóreǵalı Tóreálini is-sharalarǵa shaqyrtýdan bas tartty
PAVLODAR. QazAqparat - Pavlodar oblysynyń əkimdigi Tóreǵalı Tóreəlini resmı is-sharalarǵa shaqyrýdan bas tartady. Jaqynda oryn alǵan oqıǵaǵa baılanysty oblystyq mádenıet basqarmasy osyndaı sheshim shyǵarǵan, dep habarlaıdy pavlodarnews.kz .
Basqarma 21 jeltoqsanda Estaı atyndaǵy qalalyq mádenıet saraıynda ótken kontsertte Tóreǵalı Tóreáliniń áreketin orynsyz dep sanady. Sondyqtan sheneýnikter jýyq arada ánshimen baılanys ornatýdan bas tartyp otyr.
- Pavlodardaǵy ár merekede qazaqstandyq estrada juldyzdarynyń óner kórsetýine múmkindik berip, jıi shaqyryp otyramyz, - dep habarlady oblystyq mádenıet basqarmasy. - Tek qana, oblysta jeke uıymdastyrýshylardyń tarapynan ótetin kommertsııalyq kontsertterge baqylaý júrgize almaımyz. Al memlekettik mekemeler ótkizetin saltanatty sharalarǵa Tóreǵalı Tóreáli shaqyrylmaıtyn bolady.
Eske sala ketsek, birneshe kúnnen beri áleýmettik jelide Tóreǵalı Tóreáliniń bir kórermenmen ádepsiz sóılesken vıdeosy jurtshylyqtyń narazylyǵyn týdyrdy.
Shý kóterilgennen keıin ánshi Instagram jelisi arqyly tikeleı efırde tyńdarmandaryna mán-jaıdy túsindirýge tyrysty. Ol zaldaǵy bir kórermenniń aıǵaıy namysyna tıgendigin jetkizip, bolǵan jaǵdaı úshin keshirim surady.
