Pavlodar oblysynyń ákimi jańa jylda jármeńke ótkizýdi tapsyrdy
ASTANA. QazAqparat - Pavlodarda 30 jáne 31 jeltoqsan kúnderi aýqymdy aýylsharýashylyq jármeńkesi ótedi. Oblys ákimi Bolat Baqaýov barlyq aýdandardyń taýar óndirýshileriniń jármeńkege qatysýyn talap etti.
Oblys ákiminiń baspasóz qyzmetiniń habarlaýynsha, senbi kúni tańerteń dástúrli jármeńkege qatysqan Bolat Baqaýov keıbir sórelerdiń bos ekenin, al jalǵyz sút tasıtyn kóliktiń sońynda uzyn-sonar kezek turǵanyna kýá boldy.
«Jármeńkeler qala turǵyndary jyldam ári qoljetimdi baǵamen azyq-túlik satyp alýy úshin uıymdastyrylady, - dedi aımaq basshysy. - Nelikten búgin munda tek qana bir sút tasıtyn mashına tur? Osyndaı aıazda adamdar tońyp turmaýy úshin bir ýaqytta úsh jerden sút satylýy kerek. Sórelerde et múldem joq. Eger je bireýler jármeńkege tek et úshin kelse she?»
Oblys ákimi 30 - 31 jeltoqsan kúnderi pavlodarlyqtar merekelik dastarhanǵa qajet taǵamdardy satyp alýy úshin aýqymdy jármeńke ótkizýdi tapsyrdy.
«Et, jumyrtqa, kartop jáne basqa kókónister kerek. Sondyqtan jármeńkede arzan baǵamen barlyǵy bolýy tıis, - dedi Bolat Baqaýov. - Barlyq ónimdi oblys aýyl sharýashylyǵy óndirýshileri jetkizýi tıis. Bul taýar óndirýshige de, tutynýshyǵa da tıimdi».
