Pavlodar oblysynyń ákimi Toraıǵyr kólin tazartýdy usyndy
ASTANA. QazAqparat - Pavlodar oblysynyń ákimi Bolat Baqaýov Baıanaýyl aýdanyna jasaǵan jumys sapary barysynda óńir týrızmin synǵa aldy, dep habarlaıdy pavlodarnews.kz.
«Jasybaı kólindegi zańsyz bızneske tosqaýyl qoıyp, tártipti kúsheıtý kerek. Lastanǵan Toraıǵyr kólin tazartý jumystaryn da bastaǵan jón», - dedi B. Baqaýov.
Aıta keterligi, sońǵy jyldary Toraıǵyr kóli 10-12 metrge tartylyp, sý laılana bastaǵan. Óz kezeginde Ulttyq tabıǵı saıabaq ókilderi Toraıǵyr kólin tazartýdyń joldaryn usyndy.
«- Kóldi bıologııalyq jolmen tazartýǵa bolady, máselen balyqtardy kóptep jiberý arqyly. Qysta qar az jaýyp, kóktemde sý az quıyldy, ol azdaı bulaq bastaýlary bitelýde, sondyqtan da kól lastanýda», - dedi saıabaq ókilderi. Tazartý jumystary barysynda arnaıy qondyrǵylar paıdalanady.
Oblys ákimi týrızmdy ulttyq dástúrlemizdi saqtap, ári dáripteı otyryp damytý kerektigin, qonaqtarǵa qymyz sýsyndaryn usynyp, at mingizýdi usyndy.
