Pavlodar oblysynyń ákimi tabysty mal sharýashylyǵyna qajet faktorlardy atady
«Et jáne sút mal sharýashylyǵynyń damý áleýeti sýǵa tikeleı baılanysty. Bul faktini Dúnıejúzilik banktiń jáne Ekonomıkalyq yntymaqtastyq jáne damý uıymynyń jetekshi sarapshylary da moıyndaıdy. Sý kózi mol bolǵan jerde ǵana mal sharýashylyǵyn damytý tıimdi jáne ornyqty bolady. Mundaı aımaqtar qataryna 720 shaqyrym jerde Ertis ózeni aǵatyn Pavlodar oblysyn qosýǵa bolady. «Tirshilik kózi» bul óńirdiń 8 aýdanynan ótedi. Ekinshi sý joly - Ertis-Qaraǵandy arnasy, onyń 262 shaqyrymy bizdiń oblys aýmaǵynan ótedi. Sondyqtan da, bizdiń aımaqta sýarylatyn jerlerdiń, shabyndyqtardyń, jem-shópti óndirý men genetıka salasynyń sımbıozynda et jáne sút mal sharýashylyǵynyń óndirisi tizbegi quryldy», - dedi Bolat Baqaýov.
Ákimniń aıtýynsha, jem-shóp bazasyn jetildirý úshin 70 myń gektar jer sýarylady, ol úshin 430 sýarý mashınalary men quraldary qamtylǵan. Onyń ishinde ozyq dısperstik tehnologııalarmen jabdyqtalǵan 205 tehnıka bar. Bıyl sýarmaly jer kólemi 30 myń gektarǵa keńeıtý josparlanyp otyr, al 2022 jylǵa qaraı olardyń kólemi 140 myń gektarǵa jetedi.
Mal sharýashylyǵyn damytýdyń taǵy bir negizgi faktory retinde B.Bakaýov maldyń genetıkalyq áleýetin atady. Bul kórsetkish eki baǵytta ósedi: eń aldymen asyl tuqymdy maldy ımporttaý joly bar. Oblysta asyl tuqymdy maldy ımporttaý úlesi 12 paıyzdy quraıdy. Ótken jyly 3,4 myń bas jetkizilse, bıylǵy ımport 10 myńǵa deıin artady jáne ázirge 2400 bas mal jetkizildi. Bul shyǵyndardy sýbsıdııalaýǵa 3,3 mlrd teńge bólindi.
B.Bakaýov atap ótkendeı, asyl tuqymdy maldy satyp alýdy yntalandyrý úshin bir malǵa respýblıkalyq bıýdjetten 225 myń teńge, jergilikti bıýdjetten taǵy 112 myń teńge qosylady. Bul Aýyl sharýashylyǵy mınıstrliginiń usynysy boıynsha jasalýda.
Ákimniń aıtýynsha, maldyń genetıkalyq áleýetin arttyrýdyń ekinshi baǵyty - jergilikti perspektıvaly tuqymdy sapaly býdandastyrý. Mysal retinde ótken jyly «Rýbıkon» JShS engizgen ınvestıtsııalyq jobany keltirýge bolady. Bul - ónimdi býdandastyrýdyń tolyq tsıkli bar 1 128 bas shoshqa ósiretin gıbrıdti ortalyq. 65 myńǵa jýyq mal basy bar shoshqa fermasynyń arqasynda Pavlodar oblysy shoshqa etin óndirýde birinshi orynda tur.
Kásiporyn jergilikti naryqta et óndiredi, óńdeıdi jáne satady jáne shamamen 25 myń tonna etti eksporttaıdy.
«Memlekettik qoldaý quraldarynyń, jeńildikpen nesıe berýdiń jáne ǵylymı kózqarastyń arqasynda et pen sút mal sharýashylyǵyn damytýǵa, qaıta óńdeý men eksport kólemin ulǵaıtýǵa múmkindik artady», - dedi B.Baqaýov.
