Pavlodar oblysynyń ákimi tabysqa jetýdiń qupııasyn aıtty
ASTANA. QazAqparat - Pavlodar oblysynyń ákimi Bolat Baqaýov Innovatsııalyq Eýrazııalyq ýnıversıtetinde stýdent jastarmen bolǵan kezdesýde 14 jasynda qalaı jumys istegenin aıtty, dep habarlaıdy pavlodarnews.kz.
Aımaq basshysy lektsııa barysynda stýdentterge mektepte oqyǵan kezinen bastap tabys tapqanyn atap ótti. Ol nebary 14 jasynda ǵana slesar bolyp jartylaı jumysqa qabyldanǵan, eńbek aqysy 35 rýbl bolǵan.
«Sol kezde kadrlar jetispeýshiligi boldy. Sovhozdyń basshysy meni mektep dırektorynan qyrkúıek aıynyń alǵashqy 20 kúninde jumys isteýge jiberýdi surady» - deıdi Bolat Baqaýov. - Jaz aılarynda jumys istep, 714 rýbl taptym. Jyldyń sońynda ekonomıster esepteı kele bizge belgili bir mólsherde bonýs berdi. Sonymen barlyǵy 1400 rýbl boldy. Ol kezde ondaı aqshaǵa qoldanylǵan «Jıgýlı» kóligin satyp alýǵa bolatyn edi».
Oblys basshysy jastar bolashaqta mamandyq tańdaǵan kezde eńbek naryǵyna qaraý kerek ekenin atap ótti. ıAǵnı, suranys bar ma joq pa? Eger jastar óziniń jeke isin ashýǵa kirisse, ol memlekettiń kómegine súıene alady.
«Kásipkerlikti qoldaýǵa jáne damytýǵa arnalǵan «Bıznestiń jol kartasy-2020» baǵdarlamasy boıynsha biz 4,5 mlrd teńge bólemiz. Al jastardyń áleýmettik jáne bıznes jobalaryn qoldaý úshin bıyl qaıtarymsyz 85 mln teńge berildi. Kelesi jyly biz osyndaı jobalardy áli de kóptep júzege asyratynymyzǵa senimdimin», - deıdi Bolat Baqaýov.
Kezdesý barysynda aımaq basshysy turǵyn úı qurylysy salasynda atqarylyp jatqan jumystarǵa toqtaldy. Onyń aıtýynsha, kelesi jyly keminde 200 myń sharshy metr turǵyn úıdi tapsyrý josparlanyp otyr. ıAǵnı, «Saryarqa» shaǵyn aýdanynda 15 kóp qabatty turǵyn úı bolady. Budan basqa, «Dostyq» yqsham aýdanynda jumys isteýdi bastaıdy. Kezdesý sońynda stýdentter oblys ákimine ózderin qyzyqtyratyn suraqtar qoıdy. Stýdentterdiń biri Bolat Bakaýovqa tabysqa jetýdiń jalpyǵa birdeı qupııasyn surady. Oǵan aımaq basshysy: «Biz kún saıyn jumys isteýimiz kerek», - dep jaýap berdi.
