Pavlodar oblysynyń ákimi sý qoımasynan sý bosatýǵa ázirlenýdi tapsyrdy
PAVLODAR. QazAqparat - Pavlodarda Ertis mańyndaǵy barlyq eldi mekenderdi sý basýyna baılanysty táýlik boıy kezekshilik engizý qajet. Bul týraly óńir basshysy Bolat Baqaýov aıtty, dep habarlady «QazAqparat» HAA tilshisi.
Ákim Baıanaýyl aýdanyn aralap, sý basýy múmkin birneshe aýyldy, sý basqan joldardy baryp kórdi.
Jańajol aýyldyq okrýginde qum sebilgen joldar búlingen. B. Baqaýov táýlik boıy kezekshilik uıymdastyrýdy tapsyrdy. Kókdombaq aýyly mańynda usaq tas tóselgen birneshe joldy sý shaıyp ketti. Abyroı bolǵanda, eldi mekenge aınalma jol bar.
«Birinshi tolqyn ótti, alaıda biz sý qoımasynan sý aǵyzýǵa ázir bolýymyz qajet, - dedi Qaraaşy aýyly mektebinde ótken jıynda oblys ákimi. - Barlyq eldi mekenderge táýlik boıy kezekshilik engizý qajet. Aýdanda arnaıy tehnıka, qajetti kúshter bar. Osy sý tasqyny kezeńinde biz birde-bir eldi mekendi sý basýǵa jol bermeýge jumys isteýimiz qajet».
