Pavlodar oblysynyń ákimi masanyń sany azaıady dep málim etti
PAVLODAR. QazAqparat - Ákim Bolat Baqaýovqa senbilik kezinde Pavlodar oblysyndaǵy zııankestermen kúres jaıy baıandaldy, dep habarlaıdy QazAqparat.
Pavlodar oblysynda ótken buqaralyq senbilik kezinde 13 myńnan astam tal egildi. Sol kúni oblys basshylyǵyna zııankestermen kúrestiń bastalǵandyǵy jóninde esep berildi. Sanıtarlyq-epıdemıologııalyq saraptaý jáne monıtorıng ǵylymı-tájirıbelik ortalyǵy dırektorynyń orynbasary Sáýle Sháripovanyń aıtýynsha, «ıAblonka» men «Metallýrg» saıajaılary jáne munaı ónimderin saqtaý oryny men Aqsýdaǵy «qalalyq sý arnasy» aýmaqtarynda masa dernásilderiniń 1-2 damý satysy tirkelgen.
«19 sáýirdegi kórsetkishterge sáıkes, biz atalǵan aýmaqtardy tazartaý jumystaryn júrgizdik, - dedi ol. - Pavlodar qalasyndaǵy jumystyń tıimdiligi 100%, Aqsýda - 97%. Ary qaraı baqylaý júrgizý qolǵa alyndy».
Shirkeıge keletin bolsaq, onyń ushý maýsymy mamyr aıynyń ortasyna sáıkes keledi. Oblys ákimi mamandarǵa osyndaı ýaqyttarda der kezinde qajetti jumsytardyń júrgizilýi qajet ekendigin atap ótti.
«Byltyrǵy jyldy aıtar bolsaq, ahýalǵa Ertis sý qoımasynan qaıtalap sý aǵyzý qatty áser etti. Bıyl bul jaǵdaı qaıtalanbaıdy, - dedi óńir basshysy. - Sonymen qatar, baıqaý ótkizýge ázirlik aldyn ala júrgizildi. Barlyq shybyn-shirkeıdi tolyq qurtý múmkin emes, alaıda bıyl jazda olardyń sany anaǵurlym az bolady».
