Pavlodar oblysynyń ákimi kómir baǵasy týraly: 18 myń teńge aqylǵa syımaıdy

PAVLODAR. QazAqparat - Pavlodar oblysynyń ákimi Ábilqaıyr Sqaqov óńirdegi kómir baǵasyn tómendetý úshin atqarylatyn jumystardy atady, dep habarlaıdy pavlodarnews.kz.

«Elimizdegi kómirdiń úshten bir bóligi bizde óndirilgenimen halyqqa 18 myń teńgege satylatyny aqylǵa qonymsyz. Bul jaǵdaıdy ózgertý úshin turǵyndarǵa kómir jetkizý shemasy men logıstıkany ońtaılandyramyz. Pavlodar oblysy turǵyndary úshin kómir baǵasynyń optımaldy deńgeıge deıin túsýin talap etemiz»,- dedi halyq aldynda esep bergen Ábilqaıyr Sqaqov.

Óńir basshysy elimizdegi kómirdiń 60 paıyzy Ekibastuzda óndiriletinin atap ótti.

«Pavlodar oblysynyń ereksheligi nede? Eldegi saz balshyq pen alıýmınııdiń 100 paıyzy bizdiń aımaqta óndiriledi. Ferroqorytpa óndirisiniń 62 paıyzy – Aqsýda, sondaı-aq elektr energııasynyń 42 paıyzy bizde óndiriledi. Bul - óte zor múmkindikter. Bizdiń mindetimiz - osy jetistikterdi saqtaý. Men osy óńirde týyp-ósken azamat retinde oblysymyzdy órkendetýge bar kúsh-jigerimdi salamyn», - dedi oblys ákimi.