Pavlodar oblysynyń ákimi Ertis fýtbolshylaryna úzdik úshtikke enýdi mindettedi

Óńir basshysy atap ótkendeı, pavlodarlyq jankúıerler byltyrǵy maýsymdaǵy súreńsizdikterdi áli umytqan joq.

« Byltyrǵy maýsym Pavlodar fýtbolynyń buryn-sońdy bolmaǵan jeńilisin kórdik. Bıyl Dımıtar Dımıtrov selektsııamen ózi aınalysty. Ardagerlerimiz onyń jumysyn oń baǵalaýda. Biz úzdik úshtikke enýimiz qajet. Aldaryńyzǵa osyndaı maqsat qoıamyn. Ertis fýtbol klýby úshin basqa mejeniń bolýy múmkin emes» dedi Bolat Baqaýov.

Oblys ákimi atalǵan maqsatqa jetý úshin barlyq jaǵdaı jasalǵanyn aıtyp, fýtbolshylardan aıanbaı ter tógýdi talap etti. Bar kúshterińizdi sala oınaý kerek. Tártip barlyq salada, onyń ishinde jasyl alańdada qatań saqtalýy kerek. Barlyqtaryńyzǵa jaraqattarsyz maýsymdy jaqsy ótkizýdi tileımin. Adal oınańdar, pavlodarlyq fýtbol jankúıerleri ádemi oıyn kórý kerek».

Ertis FK bas bapkeri Dımıtar Dımıtrov Bolat Baqaýovqa qoldaý kórsetkeni úshin alǵys bildirip, byltyrǵy jyldan góri áldeqaıda joǵary nátıje kórsetemiz dep ýáde berdi. «Jigitter jarysqa qulshynyp otyr, biraq fýtbolshylardyń tanysyp-bilisýi úshin ýaqyt kerek»,

«Maýsym aýyr bolady. Qarsylastarymyz asa kúshti. Alaıda, byltyrǵy jyldan góri, táýir kórsetkishke jetetinimizge ýáde beremin», - dedi Dımıtar Dımıtrov.

Eńbek ardageri, KSRO Eńbek sińirgen metallýrgy jáne hımıgi Saparbek Berketov ardager jankúıerler atynan komandanyń bas bapkerinen matchtar kezinde sabyr saqtap, tóreshiler jumysyna aralaspaýyn ótindi. «Barlyqtaryńa aıtamyn, Pavlodar - fýtbol qalasy ekendigin umytpańdar. Sizderge sáttilik tilep, «Ertistiń» týyn bıik ustaýdy ótinemin. Barlyqtaryńdy syılaımyz, ári jeńister kútemiz»,- dedi Saparbek Berketov.