Pavlodar oblysynyń ákimi bólgen 200 grantqa bir kúnde 93 ótinish túsken
PAVLODAR. QazAqparat - Pavlodar oblysynyń jergilikti bıýdjet esebinen 200 mamandy daıyndaýǵa bólgen granttarǵa bir kúnde 93 adam ótinish bergen. Bul týraly óńirlik kommýnıkatsııalar qyzmetinde ótken baspasóz máslıhatynda oblystyq bilim berý basqarmasynyń basshysy Dinıslam Bolathanuly aıtty, dep habarlaıdy pavlodarnews.kz.
«Joǵaryda atalǵan granttardyń ishinde 100-i pedagogıkalyq jáne tehnıkalyq mamandyqtarǵa, 100-i medıtsına salasyna arnalǵan. Onyń ishinde 50 grant memlekettik bilim berý tapsyrysy boıynsha joǵary bilim alýǵa, 50-i rezıdentýraǵa qarastyrylǵan»,- deıdi Dinıslam Bolathanuly.
Talapkerler tarapynan ótinishterdi qabyldaý 5-10 tamyz aralyǵynda júzege asyrylady. S. Toraıǵyrov atyndaǵy PMÝ, PMPI jáne InEÝ-de qabyldaý bólimderinde qandaı mamandyqtar boıynsha oryn bar jáne basqa da suraqtar boıynsha keńes beriledi.
Basqarma basshysynyń aıtýynsha, mamandardy daıyndaý qaladaǵy úsh joǵarǵy oqý ornynda júrgiziledi. Medıtsına salasynyń mamandary Qaraǵandy jáne Semeı, Astana qalalaryndaǵy joǵary oqý oryndarynda biliktilikterin arttyrady. Talapkerler birinshi kezeńge qatysý úshin UBT men KT nátıjesi bar sertıfıkat tapsyrady. Eger sertıfıkatta kórsetilgen upaı sany birdeı bolǵan jaǵdaıda «Altyn belgi» ıegerleri men halyqaralyq jáne respýblıkalyq olımpıadalardyń jeńimpazdaryna basymdyq beriledi. Sonymen qatar, áleýmettik az qamtylǵan jáne ata-anasynyń qamqorlyǵynsyz qalǵan balalardyń jaǵdaıyna nazar aýdarylady. Granttardy taǵaıyndaý qorytyndysy 15 tamyzdan keıin belgili bolady. Jeńimpazdardyń tizimi jergilikti BAQ-ta jarııalanady. Jergilikti atqarýshy organ men JOO, talapker úsh jaqty kelisimshartqa otyrady. Basty talap - grant negizinde oqý ornyn aıaqtaǵannan keıin mindetti túrde osy aımaqta jáne jergilikti basqarý organy jibergen jerde úsh jyl qyzmet etý. Eger de jastardyń oqý úlgerimi jaqsy bolsa shákirtaqy tóleý qarastyrylǵan. ıAǵnı, respýblıkalyq deńgeıdegi granttar tárizdi barlyq áleýmettik mindettemeler usynylady. Al, úlgerimi tómen bolsa, grant pen shákirtaqydan aıyrylady. Onyń ornyna ári qaraı aqyly negizde oqıtyn úlgerimi joǵary balalarǵa usynylady. Granttan aıyrylǵandar bıýdjetke keltirilgen shyǵyndy qaıtarady. Jalpy, bir dárigerdi daıyndaýǵa 9 jyl ketedi.
Óńirdiń bas ustazynyń sózine qaraǵanda, bakalavrıat bes jylǵa sozylady, odan keıin 2 jyldyq ınternatýra, rezıdentýra, magıstratýra bar. Sondyqtan bakalavrıat bitirgen, birden ınternatýra nemese rezıdentýraǵa túsetin jastarǵa granttardy bólý arqyly óńirge mamandardy tartý kózdelip otyr. Olar eki túrli - óz mamandyǵy men shet tili boıynsha emtıhan tapsyrady. Ótinishterdi qabyldaý 20-23 tamyz aralyǵynda ótedi. Onyń nátıjesi 25 tamyzdan keıin belgili bolady.
Aıta keterligi, óńirde eńbek naryǵyna qajet 200 mamandy daıyndaý úshin jergilikti bıýdjetten 65 mln teńge bólingen.
