Pavlodar oblysynyń ákimdigi Túrkııadan ushyp kelgen elordalyqtarǵa avtobýs bóldi
PAVLODAR. QazAqparat – Túrkııadan Pavlodar oblysyna arnaıy áýe reısimen jetkizilgen elorda turǵyndary úshin Nur-Sultanǵa deıin avtobýs uıymdastyryldy. Bul týraly oblys ákimdiginen málim etti, dep habarlaıdy QazAqparat.
«4 sáýir kúni Túrkııadan evakýatsııalyq reıs arqyly Pavlodarǵa jetkizilgen Nur-Sultan qalasynyń 34 turǵyny arnaıy uıymdastyrylǵan avtobýspen elordaǵa jóneltildi. Pavlodar oblysy men Nur-Sultan qalasynyń ákimdikteri tıisti kelisimge keldi: arnaıy jasaqtalǵan avtobýs elorda turǵyndaryn karantındik gospıtaldan Nur-Sultandaǵy blokpostqa deıin jetkizedi. Sol jerden olardy elorda ákimdigi jibergen arnaıy kólik kútip alady. Barlyq protsedýralar dezınfektsııalyq-epıdemııaǵa qarsy sharalar rejımin qatań saqtaı otyryp júrgiziledi», - dedi ákimdikten.
Málim etilgendeı, Túrkııadan kelgender arasynda Pavlodar oblysynyń turǵyndary da bar. Olar Pavlodar qalasynda karantındik gospıtalde qalyp, 14 kúnge sozylatyn medıtsınalyq baqylaýda bolady.
Reıste bolǵan barlyq 102 jolaýshydan koronavırýs ınfektsııasyna test alynyp, olar teris nátıje kórsetken.
