Pavlodar oblysynyń 900-den astam turǵyny páter kiltin aldy
PAVLODAR. QazAqparat - Kezekte turǵan 900-den astam Pavlodar oblysynyń turǵyny baspanaly boldy. Bul týraly oblys ákimi Ábilqaıyr Sqaqov málim etti, dep habarlaıdy QazAqparat Pavlodarnews.kz-ke silteme jasap.
Óńir basshysynyń sózine qaraǵanda, jyl basynan beri oblysta alty kóppáterli úı nemese 456 páter tapsyryldy.
- Qosymsha 18 úıdiń qurylysy júrip jatyr. Páter kezeginde turǵan 950 turǵyn baspanaly boldy. Olardyń 706-sy arendalyq, 252-si kredıttik páterler. Turǵyn úı kezegin sertıfıkat berý arqyly da qysqartýdamyz, - dedi ol.
Bul maqsatqa 249 mln teńge kózdelgen. Búginde 83 sertıfıkat tabystaldy.
Bıyl oblys ortalyǵynda jańa kóp qabatty úı tapsyrylady. Jyl sońyna deıin Pavlodardyń Saryarqa jáne Dostyq móltek aýdandarynda jańa 17 turǵyn úı nemese 230 myń sharshy metr baspana paıdalanýǵa beriledi.
Sonymen qatar, Pavlodar oblysynda jalǵa jáne nesıemen beriletin turǵyn úı qurylysyna erekshe kóńil bólinedi.
Odan bólek Ábilqaıyr Sqaqov oblystyq máslıhattaǵy sessııa kezinde múgedek balalary bar otbasylarǵa tólenetin ótemaqy artýy múmkindigin atap ótti.
