Pavlodar oblysynyń 10%-dan astam turǵyny 3 tildi meńgergen

PAVLODAR. QazAqparat - Qazirgi tańda oblystaǵy memlekettik tildi meńgergen turǵyndar sany 78%-dy quraıdy. Bul týraly oblystyq Tilderdi damytý basqarma basshysynyń orynbasary Gúlsara Kokına «Nur Otan» partııasynyń oblystyq bólimshesine qarasty «Mıras» qoǵamdyq keńesiniń otyrysynda málimdedi, dep habarlaıdy «QazAqparat» HAA tilshisi partııanyń oblystyq bólimshesiniń baspasóz qyzmetine silteme jasap.

Jıyn barysynda «Bes ınstıtýtsıonaldyq reformany júzege asyrýdaǵy 100 naqty qadam» ult josparynyń «Birtektilik pen birlik» IV baǵytyn júzege asyrýdyń qorytyndysy jan-jaqty talqylandy.

G. Kokınanyń aıtýynsha, qazaq, orys jáne aǵylshyn tilderin jetik meńgergen turǵyndar sany 14%-dy quraıdy. Oblysta 21 til ortalyǵy, onyń ishinde 13-i memlekettik tildi, 19-y - aǵylshyn, qalǵan 7-eýi basqa tilderdi úıretedi.

«2017 jyly úsh tildi birdeı meńgergender sanyn 17%-ǵa jetkizý josparlanýda», - dep málimdedi G. Kokına.