Pavlodar oblysyndaǵy jol-kólik oqıǵasy: eki adam ajal qushyp, jeteýi aýrýhanada jatyr
PAVLODAR. QazAqparat – Pavlodar men Aqtoǵaı arasyndaǵy tasjolda iri jol-kólik oqıǵasy boldy, dep habarlaıdy QazAqparat tilshisi.
«Aqtoǵaı aýylynan 18 shaqyrym qashyqtyqta bolǵan jol apatynda eki adam qaza taýyp, jeteýi Aqtoǵaı ortalyq aýdandyq aýrýhanasyna shuǵyl jetkizildi», - dep habarlady jýrnalısterge Pavlodar oblystyq jedel medıtsınalyq kómek stansasynyń baspasóz qyzmeti.
103 jelisine jol-kólik oqıǵasy týraly habar túskennen keıin, oqıǵa ornyna tórt jedel járdem brıgadasy jetkizildi, dep atap ótti stansadan.
«Jeti adam túrli jaraqatpen Aqtoǵaı ortalyq aýdandyq aýrýhanasyna jetkizildi. Oblystyq jedel járdem stansasynyń bazasynda jedel áreket etý shtaby quryldy», - dedi mekemedegiler.
Dárigerler jedel ótinishti rásimdemesten, sanıtarlyq avıatsııa mobıldi brıgadasyn qurý týraly sheshim qabyldady.
«Brıgada ortalyq aýdandyq aýrýhanaǵa az ýaqyttyń ishinde keldi. Naýqastardyń jaǵdaıy turaqtanǵannan keıin, eresekter men balalardy ári qaraı oblystyq deńgeıde emdeý úshin Pavlodarǵa jetkizýge bel býdyq», - dedi sanavıatsııa meńgerýshisi Almagúl Besembınova.
Eki eresek naýqasty №1 qalalyq aýrýhanasynyń travmatologııa bólimine jatqyzdy. Oblystyq balalar aýrýhanasyna tórt bala jetkizildi, dep atap ótti stantsııadan.
Avtor: Anton Gagarın
