Pavlodar oblysyndaǵy zaýytta oqys jaǵdaı boldy
PAVLODAR. QazAqparat – Pavlodar oblysyndaǵy zaýytta jumysshynyń aıaǵyn aýyr qaqpaq basyp qaldy, dep habarlaıdy QazAqparat tilshisi.
«05:30-da aktsıonerlik qoǵamǵa tıesili tsehtardyń birinde shatyrdy jóndeý jumystaryn júrgizip jatqanda, 1995 jyly týǵan brıgadırdiń aıaǵyn sý ketetin kárizdiń qaqpaǵy basyp qaldy», - dep málimdedi Pavlodar oblystyq polıtsııa departamenti.
Polıtseılerdiń aıtýynsha, oqys oqıǵa Aqsý ferroqorytpa zaýytynda bolǵan.
«Zardap shegýshi aýrýhanaǵa jetkizildi», - deıdi polıtseıler.
