Pavlodar oblysyndaǵy sý qubyrynyń qurylysy aýyl turǵyndarynyń máselesin sheshpedi
PAVLODAR. QazAqparat - Pavlodar oblysy Ertis aýdanyndaǵy Aqsý toptyq sý qubyrynyń qaıta qurylysynyń birinshi kezeńiniń aıaqtalǵanyn ótken aptada «Kazvodhoz» RMK málimdedi, dep habarlaıdy «QazAqparat» HAA tilshisi.
Oqıǵa eleýsiz ótti, alaıda ol 6 mlrd. teńgege jýyq qarjyǵa salynǵan mańyzdy nysan edi. Qashyqtyǵy 110 shaqyrymdyq kanaldyń alǵashqy kezegi 12,5 myń adam turatyn 14 aýyldy sýmen qamtamasyz etýi tıis. Biraq ázirge qamtamasyz etpedi. Onyń sebebin oblys ákimi Bolat Baqaýov jınalys sońynda aıtty.
«Qazirgi tańda sý kanalyna aýyldardy qosa almaı otyrmyz. Ertis aýdandyq ákimdigi 2014 jyldan qazirge deıin 14 aýyldyń aýylishilik jelisin júrgizý boıynsha JSQ jasaý máselesin sheshpegen. Onyń ekeýi búginde (Akbeteı jáne Qostomar aýyly) taratylǵan, al olarǵa toraptyń eki shaqyrymy jetkizildi. Ne úshin jetkizgeni túsiniksiz. Bul aýyldarda bar-joǵy bes-alty úıden ǵana bar».
Oblys ákimi sý qubyrlary qurylysyna qatysty syn aıtty.
«2013 jyly sý qoryn esepke almaý áleýeti men aýyl damýynyń bolashaǵy boıynsha zertteýler júrgizildi. Mysaly, 200 adamnan az turǵyny bar Jelezınskıı aýdanynyń Aqqaıyń ján Krýpskıı aýyldary úshin sý qubyrlarynyń qurylysy boıynsha qujattar jasalǵan. 760 halqy bar Jelezınskıı aýdanynyń Bashmachnoe aýylynda jumystar júrgizilmegen. Oǵan qosa aýyl ákimi esh qatysym joq dep, bul jumysty tabıǵı paıdalaný basqarmasyna siltep otyr», - dep atap ótti B. Baqaýov.
