Pavlodar oblysyndaǵy polıtseıde qos azamattyq bolǵan
NUR-SULTAN. QazAqparat – Pavlodar oblysyndaǵy ishki ister organynda qyzmet etken mamanda qos azamattyq bolǵan. Bul týraly Senattyń jalpy otyrysynda QR Іshki ister vıtse-mınıstri Alekseı Kalaıchıdı málim etti, dep habarlaıdy QazAqparat tilshisi.
«Bıyldyń 11 aıynda qos azamattyqtyń 431 faktisin anyqtadyq. Onyń ishinde Shyǵys Qazaqstan men Pavlodar oblystaryndaǵy eki fakti boıynsha memlekettik qyzmetshilerge qatysty boldy», - dedi A. Kalaıchıdı depýtattar suraǵyna jaýap bere otyryp.
Osy oraıda ol bul baǵyttaǵy jumystar TMD elderiniń quqyq qorǵaý organdary arasynda tıisti konventsııalar aıasynda iske asyrylyp jatqanyn jetkizdi.
Ázirge Reseımen arada ońtaıly jaýap bolmaı turǵanyna toqtalǵan ol, «TMD-nyń basqa elderimen atalǵan máselede aıtarlyqtaı tyǵyz qarym-qatynas ornatylǵan. Biz osyndaı aqparattardy tekserip jatyrmyz. Atap aıtqanda, Pavlodar oblysyndaǵy jaǵdaı boıynsha ishki ister organynyń qyzmetkeri anyqtaldy. Áriptestermen ózara túsinistik bar, barsha álemde bul baǵyttaǵy jumystar resmı saýaldar men jedel atqarý jumystary negizinde iske asyrylady», - dedi.
