Pavlodar oblysyndaǵy órtti sóndirýge Qorǵanys mınıstrliginiń Mı-17, Mı-171 ushaqtary keldi

PAVLODAR. QazAqparat - Pavlodar oblysynyń Sharbaqty aýdanyndaǵy «Ertis ormany» memlekettik orman tabıǵı rezervaty» mekemesiniń aýmaǵynda orman órtin sóndirý jumystary jalǵasýda. Órttiń aýdany shamamen 850 ga quraıdy.

Bul týraly QazAqparat Pavlodar oblysy ákimdiginiń resmı saıtyna silteme jasap habarlaıdy.

Órt sóndirýge jeke quramnan 329 adam, 101 tehnıka (TJM 161 adam jumyldyryldy.

Qosymsha saǵat 5.13-te Semeı qalasynan Qorǵanys mınıstrliginiń Mı-17, Mı-171 ushaqtary keldi.

Saǵat 7.30-da Tótenshe jaǵdaılar mınıstri jáne oblys ákimi ormanshylyqtar aýmaǵyn áýeden tekserip ótti.

Órttiń belsendi fazasy Baýyrtal ormanshylyǵynyń 98 kvartalynda bolyp jatyr, onda órt keı jerlerde tómennen joǵaryǵa órleýde.

«Jumyldyrylǵan resýrstarmen órtti qaıta boldyrmaý maqsatynda órttiń shoqtaryn sóndirý jumystary júrgizilýde. Eldi mekenderge tónip turǵan qaýip joq»,-delingen Pavlodar oblysy ákiminiń baspasóz qyzmeti taratqan aqparatta.