Pavlodar oblysyndaǵy órt 25 jastaǵy turǵynnyń ómirin qıdy
PAVLODAR. QazAqparat - Aqtoǵaı aýylynda búgin tańerteń «Aqtoǵaı-Agro» JShS-nyń salynyp jatqan angary órtendi, dep habarlady Pavlodar oblystyq TJD baspasóz qyzmetinen.
Órt sóndirýshiler 8 saǵat 47 mınýtta oqıǵa ornyna jetkende angardaǵy jalyn tili aýmaǵy 6 myń sharshy metrden asatyn kókónis qoımasyna kóshken. Órt bir saǵatta óshirildi. Oqıǵa ornynan «Aqtoǵaı-Agro» JShS-nyń 1991 jyly týǵan qyzmetkeriniń máıiti tabyldy. Tilsiz jaýdy aýyzdyqtaýǵa Pavlodar oblystyq TJD jeke quramynyń 16 qyzmetkeri jáne 2 órt sóndirý tehnıkasy, 20 jergilikti turǵyn men olardyń 2 tehnıkasy, agrofırmanyń 50 qyzmetkeri men 1 tehnıkasy tartyldy.
Órttiń shyǵý sebepteri anyqtalyp jatyr.
