Pavlodar oblysyndaǵy mekemeler jańa úlgidegi Eltańba ornata bastady
Oblystyq ishki saıasat basqarmasy aqparattyq saıasat jáne BAQ monıtorıngi bóliminiń basshysy Aıgúl Alınanyń aıtýynsha, óńirlik ákimdikten bólek ishki saıasat basqarmasy da eski úlgidegi Eltańbany «QAZAQSTAN» jazýy bar memlekettik rámizge aýystyrǵan.
«2018 jyldyń 20 qyrkúıeginde QR Investıtsııalar jáne damý mınıstrliginiń buıryǵyna sáıkes, jańa Eltańbalar 2022 jyldyń 1 qańtaryna deıin barlyq jerlerde aýystyrylýy tıis. Qazirgi kezde oblysymyzdaǵy memlekettik mekemeler men uıymdar kezeń-kezeńimen aýystyra bastady»,- deıdi Aıgúl Alına.
Óńirde osy ispen aınalysýǵa lıtsenzııasy bar úsh uıym aınalysady.
Jańa úlgidegi Eltańbalardy jasaýǵa ruqsaty bar uıymdardyń biri - «Maket-master Qazaqstan» JShS. Naryqta 10 jyldaı jumys istep kele jatqan fırma dırektory Aslan Júsipovtyń sózine qaraǵanda, Qazaqstanda aýystyrylýy tıis 50000 Eltańba bar.
Biz Pavlodar oblysymen shektelmeımiz, jańa úlgidegi Eltańbalardy Almaty, Shymkent, Atyraý, Shyǵys Qazaqstan oblystarynan da kelip alady», - deıdi Aslan Júsipov. - Odan bólek, Eltańba sýreti bar mańdaıshalardy da ózgertý kerek qoı. Biz sondaı mańdaıshalardy da shyǵaramyz. Oǵan qosa, biz jalpy memlekettik rámizderdi shyǵarýǵa ruqsaty bar uıymdardyń birimiz. Pavlodarlyq bolǵannan soń, óńirimizdegi mekemelerdiń barlyǵy tezirek talapqa saı qalypqa kelse dep oılaımyz. Aıta keteıik, elimizde «QAZAQSTAN» jazýy bar Eltańba 2018 jyly 7 qarashada birinshi bolyp Aqordaǵa ilindi.
