Pavlodar oblysyndaǵy kásiporyndardyń 28,9 % áıelder basqarady
PAVLODAR. QazAqparat - Pavlodar oblysyndaǵy kásiporyndardyń 28,9 paıyzyn áıelder basqarady. Sondaı-aq óńirdegi 38211 jeke kásipkerdiń 50,2 paıyzy – áıelder, dep habarlaıdy QazAqparat pavlodarnews.kz saıtyna silteme jasap.
«Pavlodar oblysynda 2020 jylǵy 1 naýryzdaǵy jaǵdaı boıynsha statıstıkalyq bıznes tirkelim (SBT) qorynda 16172 kásiporyn tirkelgen. Onyń 28,9 paıyzyna áıelder basshylyq etedi. SBT qoryna 38211 jeke kásipker engizilgen, olardyń 50,2 paıyzy áıelder», - dedi oblystyq Statıstıka departamentinen.
Aýmaqtyq bólikterde áıelder basqaratyn kásipkerlik sanynyń Pavlodar qalasyna – 57,7%, Ekibastuz qalasyna – 19,3%, Aqsý qalasyna – 7%, al aýdandarǵa 16% tıesili. Departamenttiń habarlaýynsha, jeke kásipker áıelderdiń edáýir sany kóterme jáne bólshek saýda salasynda tirkelgen – 53,5%. Qorda 3462 qojalyq nemese fermer sharýashylyqtary esepte bar, onyń ishinde 17,2% áıelder basqarady. Olar aýyl sharýashylyǵynyń salasynda jumys isteıdi.
