Pavlodar oblysyndaǵy Qarasý ózeninde balyq qyryldy
«14 sáýirde «Zaısan-Ertis» oblysaralyq balyq sharýashylyǵy basseındik ınspektsııasynan Pavlodar oblysy Potanıno kentiniń mańynda Ertis ózeninen bólinip shyqqan Qarasý sý aıdynynda balyqtyń qyrylǵany týraly habarlama kelip tústi. Sol kúni ınspektsııa qyzmetkerleri Pavlodar oblysy boıynsha ekologııa departamentimen, Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasymen jáne «Balyq sharýashylyǵy ǴÓO» JShS Altaı fılıalymen birlesip osy sý aıdynyna tekserý júrgizdi», delingen habarlamada.
Barlyǵy 200 kelideı óli móńke balyǵy jınalǵan.
«Zerthanalyq zertteýler júrgizý úshin sý synamalary irikteldi. Qazirgi boljam boıynsha, balyqtyń qyrylýyna qysta sýda otteginiń bolmaýy sebepshi bolǵan. Pavlodar oblysynyń ekologııa departamenti men «Balyq sharýashylyǵy ǴÓO» JShS mamandary balyqtary birazyn soıyp, patologııanyń joqtyǵy jáne ólimniń basqa sebepteri joq ekenin anyqtady», delingen habarlamada.
Jınalǵan balyq sanıtarlyq normalardy eskere otyryp joıyldy.
