Pavlodar oblysyndaǵy halyq sany 755 myńǵa taıady
ASTANA. QazAqparat - 2018 jylǵy 1naýryzǵa Pavlodar oblysy halqynyń sany 754,6 myń adamdy qurady. Qala halqy - 533,4 myń adam (70,7%), al aýyl halqy - 221,2 myń adam (29,3%). Bul týraly oblystyq Statıstıka departamenti málim etti, dep habarlaıdy pavlodarnews.kz.
«2017 jylǵy tórtinshi toqsanyndaǵy halyqtyń orta eseppen jan basyna shaqqandaǵy ataýly aqshalaı tabystary 89968 teńgeni qurady, bul 2016 jyldyń sáıkes kezeńine qaraǵanda 5,3%-ǵa artyq kórsetkish. Kórsetilgen kezeńdegi naqty aqshalaı tabystary 2,8%-ǵa tómendedi.Sonymen qatar, qyzmetkerlerge eseptelgen ortasha aılyq ataýly jalaqy 146,1 myń teńgeni, nemese 2016 jyldyń sáıkes toqsanyna 109%-dy qurady. Naqty jalaqy ındeksi - 100,6%. Jaldamaly qyzmetkerler retinde 199,7 myń adam tirkeldi, - deıdi departamentte. Aıta keteıik, 2017 jylǵy tórtinshi toqsanda jumys kúshiniń sany 413,1 myń adamdy nemese 15 jas jáne odan joǵary jastaǵy halyq sanynyń 70,6%-yn qurady. Jumyspen qamtý organdarynda jumyssyzdar retinde 2018 jylǵy naýryzdyń sońyna 4,8 myń adam tirkeldi. Bul jumys kúshiniń 1,2%-ǵa teń.
