Pavlodar oblysyndaǵy fılıal qyzmetkerleri tergelip jatyr - QazAvtoJol
«QazAvtoJol» ulttyq kompanııasyna mekemedegi sybaılas jemqorlyq faktileri týraly saýal joldaǵan edik.
«2022-2023 jyldary aralyǵynda bir fakt tirkeldi. Pavlodar oblystyq fılıalynyń qyzmetkerleri jemqorlyq boıynsha kúdikke ilindi. Bul derek boıynsha qazir sotqa deıingi tergeý júrip jatyr. Jemqorlyq is-áreketterdiń aldyn alý jáne boldyrmaý maqsatynda kompanııanyń ishki aýdıt qyzmeti sybaılas jemqorlyqqa qarsy is-qımyl komplaens-qyzmetimen birlesip barlyq jol-paıdalaný ýchaskeleri men pýnktterdiń qyzmetin tekserip jatyr. Іshki tekseris barysynda birqatar jol paıdalaný ýchaskesi basshylarynyń jumysynda zań buzýshylyqtar anyqtaldy. Tekseris tolyq aıaqtalyp, anyqtalǵan faktiler rastalǵan jaǵdaıda, basshylarǵa Qazaqstan Respýblıkasynyń Eńbek zańnamasyna sáıkes shara qabyldanady. Anyqtalǵan faktiler boıynsha quzyretti organdar da qosymsha habardar etedi», - degen jaýap aldyq kompanııanyń baspasóz qyzmetinen.
Aqparatta aıtylǵandaı ishki tekseristiń óz talaptary bar.
«Іshki tekseris kezinde barlyq jol-paıdalaný ýchaskeleriniń qyzmetkeri jumys ornynda boldy. Kúre joldardy kútip-ustaý jumystary qalypty rejımde júzege asyp jatyr. Sonymen qatar, byltyrdan bastap sybaılas jemqorlyq táýekelderin tolyǵymen joıý úshin bizdiń kompanııa jumys protsesterin tolyq tsıfrlandyrýdy qolǵa aldy», - deıdi Ulttyq kompanııadan.
