Pavlodar oblysyndaǵy Ertis jaǵalaýy eldegi eń kórikti oryndardyń biri bolady
PAVLODAR. QazAqparat - Pavlodar qalasynyń ortalyq jaǵajaıyndaǵy jańa ýchaskelerdiń qurylysy aıaqtalýǵa jaqyn, dep habarlaıdy QazAqparat «Habar 24» saıtyna silteme jasap.
1,5 mlrd teńgeniń iri ınfraqurylymdyq jobasy memlekettik-jekemenshik seriktestik aıasynda júzege asyrylýda. Nysan halyq ıgiligine jazda berilmek. Qazirgi ýaqytta Aqsý qalasynda da jaǵajaı qurylysy qyzý júrip jatyr.
Ózenniń jaǵasyn bekitý, retke keltirý - kúrdeli is. Mamandardyń arnaıy biliktiligi bolýy shart. Qazirgi ýaqytta jalpy uzyndyǵy 1200 metr bolatyn qos ýchaske abattandyrylyp jatyr. Jumys belgilengen kesteden buryn bastaldy.
«Jaǵalaý temirjol kópirinen bastap, qala ortalyǵyna deıin sozylmaq. Jumys kúrdeli bolsa da, josparymyzdy iske asyrdyq», - qurylys ýchaskesiniń basshysy Janat Ysqaqov.
Ózen jaǵasynda «Qaz qonaq» paleontologııalyq eskertkishi ornalasqan. Biregeı tabıǵı nysan ashyq aspan astyndaǵy mýzeıge aınalyp, týrıstik oryn bolady.
«Basty maqsat - ári qaraı jumys isteı berý, qalanyń kórkeıýine úlesimizdi qosý. Bul bizdiń bolashaq - balalarymyzdyń kelip, júretin orny bolady. Mamandar aldymen gıdrologııalyq jáne geologııalyq zertteý júrgizip, ózenniń jaǵasyn bekitti», - deıdi brıgadır Aıbek Shekenov.
Osylaısha, ortalyq jaǵalaý elimizdegi eń uzyn jáne eń ádemi demalys ornyna aınalmaq. Ortalyq jaǵalaý metallýrgter men energetıkter shaharynda boı kóterdi. Ertisti boılaǵan Aqsý qalasynda shaǵyn amfıteatr salynyp, tolyqqandy demalys orny paıda boldy. Jobany iske asyrýǵa 450 mln teńge bólindi.
