Pavlodar oblysyndaǵy birneshe jolda kólik qozǵalysyna shekteý salyndy
PAVLODAR. QazAqparat – Aýa raıynyń nasharlaýyna baılanysty Pavlodar oblysynyń joldarynda avtokóliktiń barlyq túrleriniń qozǵalysyna shekteý salyndy, dep habarlaıdy QazAqparat QR IIDM Telegram-kanalyna silteme jasap.
Pavlodar oblysynda 6 naýryzda saǵat 15:10-da aýa raıynyń nasharlaýyna baılanysty (boran, joldyń kórinbeýi) «Lenın – Ertis - Rýsskaıa polıana» avtojolynyń 0 - 274 shaqyrymy, Lenın kenti men RF shekarasyna deıingi aralyqta barlyq kólik túrlerine shekteý engizildi.
Qaraǵandy oblysynda aýa raıynyń nasharlaýyna baılanysty 6 naýryzda saǵat 18:00-de «Qyzylorda – Pavlodar» avtojolynyń 1066-1135 shaqyrymy, Molodejnyı kenti men RF shekarasyna deıingi aralyqta shekteý engizildi.
Pavlodar oblysynda saǵat 18:00-de aýa raıynyń nasharlaýyna baılanysty (boran, joldyń kórinbeýi) «Qyzylorda-Pavlodar» avtojolynyń 1135-1251 shaqyrymy, Qaraǵandy oblysynyń shekarasy men Ekibastuz qalasyna deıingi aralyqta qozǵalysqa shekteý salyndy.
Eske sala keteıik, Qazaqstannyń basym bóliginde atmosferalyq frontaldy bólikterdiń ótýine baılanysty qubylmaly kún raıy saqtalady – jańbyr men qar túrinde jaýyn-shashyn kútiledi.
