Pavlodar oblysyndaǵy aýylǵa Jumat Shanın esimi berildi
ASTANA. QazAqparat - Pavlodar oblysy Baıanaýyl aýdanyndaǵy ıÝjnyı aýyly budan bylaı «Jumat Shanın aýyly» dep atalatyn boldy, dep habarlaıdy «QazAqparat» HAA tilshisi.
Bul týraly Baıanaýyl aýdanynyń mádenıet jáne tilderdi damytý bóliminiń basshysy Qaırat Sarbasov aıtty.
«Aýyldyń ataýyn ózgertý jóninde sheshim resmı túrde bekitildi. Oblystyq onomastıkalyq komıssııanyń sheshimi shyqty. Endi máslıhatty kútip otyrmyz. Usynysty jergilikti halyq joldap otyr. Osyǵan deıin de eki-úsh márte suraǵan bolatyn», - deıdi Qaırat Sarbasov.
Aıta keterligi, qazaqtan shyqqan tuńǵysh rejısser Jumat Shanın dál osy aýyldyq okrýgte 1897 jyly dúnıege kelgen. Qaırat Sarbasovtyń aıtýynsha, Jumat Shanın aýyly Kúrkeli aýyldyq okrýginiń ortalyǵy bolyp esepteledi. Aýyldyq okrýgtiń Shomankól, Qoıtas, Jarylǵapberdi jáne Jeltaý, Juman Shanın (ıÝjnyı) degen 5 bólimshesi bar.
«Aldaǵy ýaqytta Jumat Shanınniń mýzeıin ashamyz degen josparymyz bar. Ótkende rejısserdiń nemeresi Bolat Qasymhanuly kelip ketti. Birlesip mýzeı ashý isin kózdep otyrmyz», - deıdi Qaırat Sarbasov.
Aıta keterligi, Jumat Shanın 1892-1938 jyldary aralyǵynda ómir súrgen rejısser, dramatýrg, akter, qazaqtyń ulttyq kásibı teatr óneriniń negizin salýshylardyń biri, qoǵam jáne teatr qaıratkeri, Qazaq AKSR-iniń halyq ártisi.
