Pavlodar oblysynda jyl basynan beri 68 kólikti ot sharpydy

Bul jaıynda oblystyq tótenshe jaǵdaılar departamenti málimet taratty.

Kóliktiń kez kelgen túrinde órt kútpegen jerden tutanyp, qaıǵyly saldarǵa ákelýi múmkin. Órttiń jıi sebebi nede?

Kólik quralyn mindetti tehnıkalyq baıqaý protsesinde avtomobıldiń jaı-kúıi baqylanady, biraq elektr jabdyǵy men otyn júıesi tekserilmeıdi.

Degenmen, avtokóliktegi órttiń negizgi sebepteri: qozǵaltqyshtyń elektr ótkizgishteriniń / elektr agregattarynyń qysqa tuıyqtalýy, otty abaısyz qoldaný (qozǵaltqyshty dánekerleý shamymen jylytý, temeki shegý, qozǵaltqysh bóligin kıizben jylytý), otyn qubyrynyń úzilýi nemese aqaýy.

Kóbine bul avtokólikti paıdalaný kezinde órt qaýipsizdiginiń negizgi talaptaryn saqtamaýdan bolady.

Bıylǵy 7 aıda Pavlodar oblysynyń aýmaǵynda 68 órt boldy.

Avtokólik ıeleri neni este saqtaýy kerek:

- árbir kólik quraly kólemi 2 lıtrden kem emes jaramdy órt sóndirgishpen jabdyqtalýy tıis. Bul jaǵdaıda órt sóndirgishtiń qurylǵysyn bilý kerek jáne ony qoldana bilý kerek.

- avtokólik toraptary men mehanızmderin jaramdy kúıde ustaý;

- akkýmýlıatorlardy tikeleı kólik quraldarynda zarıadtaýǵa jol bermeý.

Eger sizdiń avtokóligińiz júrip bara jatqanda jansa, órt kezinde avtomobılde kelesi tártip erejelerin saqtańyz:

1. Kólikti toqtatyńyz.

2. Qozǵaltqyshty óshirińiz.

3. Sorǵyshtyń qulpyn bosatyńyz, biraq sorǵyshty ashpańyz.

4. Barlyq jolaýshylardy shyǵaryńyz.

5. Órtke qarsy qyzmetke «101» telefon nómiri boıynsha nemese «112» qutqarý qyzmetine qońyraý shalyńyz.

6. Eger qaýipti bolmasa, mashınada bar órt sóndirgishti paıdalanýǵa tyrysyńyz.

7. Órt sóndirý kezinde motor bóliginde sýdy paıdalanbańyz, sebebi bul elektr ótkizgishtiń qysqa tuıyqtalýyna nemese janyp jatqan benzınniń taralýyna jáne janý alańynyń ulǵaıýyna ákelýi múmkin.