Pavlodar oblysynda jumyrtqa men qant arzandady
NUR-SULTAN. QazAqparat - Pavlodar oblysynda jumyrtqa men qant arzandaǵan 06.07 2019 10:11 Óńirde 2019 jylǵy qańtar-maýsymdaǵy tutyný baǵalarynyń ındeksi 102,2%-dy, azyq-túlik taýarlary 105%-dy, azyq-túlik emes taýarlary 101,9%-dy, aqyly qyzmetter 99%-dy qurady, dep habarlaıdy pavlodarnews.
«Osy ýaqyt aralyǵynda azyq-túlik taýarlary boıynsha kókóniske baǵa 13,1%-ǵa, nan ónimderi men jarmaǵa - 7,7%-ǵa, etke - 6%-ǵa, shujyqtar, et ónimderge - 5,3%-ǵa, alkogolsiz sýsyndarǵa - 4,7%-ǵa, alkogoldi ishimdikter men temeki ónimderine - 3,6%-ǵa, sút ónimderine - 2,8%-ǵa, kondıter ónimderine - 2,6%-ǵa ósýi baıqaldy. Sonymen qatar jumyrtqaǵa 12%-ǵa, qantqa - 0,3%-ǵa baǵa tómendedi,» - delingen óńirlik statıstıka departamentiniń málimetinde.
Azyq-túlik emes taýarlar naryǵynda farmatsevtıkalyq ónimderdiń baǵasy - 4,8%a, jıhaz jáne úıge qajetti zattar - 4%, turmystyq quraldar - 2,5%, kıim men aıaq kıim - 2,4%, jýǵysh jáne tazalaǵysh zattar - 2%-ǵa óskeni baıqaldy. Janar-jaǵar maı materıaldaryna 0,8%-ǵa arzandaǵan.
Aqyly qyzmetter boıynsha ambýlatorııalyq qyzmetterge - 4,9%-ǵa, qoǵamdyq tamaqtandyrý - 3,7%-ǵa, bilim berý qyzmetterine - 3,5%-ǵa, kólik qyzmetterine - 0,2%-ǵa baǵanyń ósýi tirkeldi. Al, turǵyn úı-kommýnaldyq qyzmetterge tarıfter 7,1%-ǵa arzandady.
