Pavlodar oblysynda júkti áıeldi ákele jatqan medıtsınalyq kólik dalada qaldy
PAVLODAR. QazAqparat – Pavlodar oblysynyń Ekibastuz qalasy mańynda júkti áıeldi alyp bara jatqan jedel járdem kóligi qar qursaýynda qalyp qoıdy, dep habarlaıdy QazAqparattyń arnaýly tilshisi.
«23 qańtar kúni, saǵat 04.00-de Ekibastuz qutqarýshylar pýltine Shiderti kentinen 20 shaqyrym jerde, respýblıkalyq tasjolda Tórtqudyq aýylynan shyqqan jedel járdem kóligi qar qursaýynda qalǵany týraly habarlandy. Jedel járdem kóliginde júkti áıel bolǵan (júktiliktiń 40-aptasy)», - dep málim etti jýrnalısterge Pavlodar oblystyq Tótenshe jaǵdaılar departamentiniń jedel-qutqarý jasaǵynan.
Oqıǵa ornyna Ekibastuz qutqarý jasaǵynyń eki mamany «Trekol» jol talǵamaıtyn kóligimen attanǵan.
«Qutqarýshylarmen birge qaladan ekinshi jedel járdem kóligi jolǵa shyqqan. Biraq bul kólik te qaladan 15 shaqyrym jerde qarǵa batyp qalǵan. Qutqarýshylar medıtsınalyq qyzmetkerlerdi (eki adam) ózderimen alyp ketip, tolǵaǵy qysqan áıelge barǵan jáne qar qursaýynda qalǵan kóliktegi eki adamdy (júkti áıeldi kúıeýimen) alyp ketti», - dedi TJD-dan.
06.36-da olardy Ekibastuz qalasynan 15 shaqyrym qashyqtyqta kútip turǵan jedel járdem kóligine otyrǵyzdy. Tolǵaǵy qysqan áıel aýrýhanaǵa ýaqytyly jetkizildi.
Avtory Anton Gagarın
