Pavlodar oblysynda júk poıyzy men KamAZ soqtyǵysyp qaldy
ASTANA. Tamyzdyń 20-sy. QazAqparat. Búgin tańerteń, saǵat 6.20-da Pavlodar oblysyndaǵy Maıqaıyń - Úshqulyn temirjol ýchaskesiniń qorǵalmaıtyn ótpesinde júk poıyzy men KamAZ avtokóligi soqtyǵysty. KamAZ júrgizýshisi sol jerde qaıtys bolyp, mashınısttiń kómekshisi men áskerı kúzettiń eki jumyskeri jaraqat aldy,
dep habarlady Kólik jáne kommýnıkatsııa mınıstrliginiń baspasóz qyzmeti.
Apattyń saldarynan kómir tıelgen 29 vagon jáne elektrovoz relsten shyǵyp ketti. 200 m jol, ótkeldiń belgi berý, ortalyqtandyrý, baılanys jáne joldy jabý jabdyqtary zaqymdanyp, elektr jelisiniń 3 baǵany qulaǵan.
Oqıǵany tekserýge «Qazaqstan temir joly» UK» AQ komıssııasy jáne «Ertis» óńiraralyq kóliktik baqylaý ınspektsııasynyń mamandary jiberildi.
Apat bolǵan orynda Pavlodar tasymaldaý bólimshesiniń qalpyna keltirý poıyzdary jumys atqarýda.
