Pavlodar oblysynda júk kóliginiń mas júrgizýshisi turǵyn úıge soǵyldy
«27 qyrkúıek kúni saǵat 13:50 shamasynda Shacman júk kóliginiń 45 jastaǵy júrgizýshisi mas kúıinde Pavlodar oblysy Shiderti kentiniń Jastar kóshesindegi ekiqabatty turǵyn úıge soǵylǵan. Tekserý qorytyndysy onyń ortasha dárejede alkogoldik mas kúıde bolǵanyn rastady.
Úıge materıaldyq shyǵyn keltirilgen.
«Sol ýaqytta turǵyn úıde eshkim bolmaǵan. Avtokólik júrgizýshisi qajetti kómek alý úshin Ekibastuz qalasynyń aýrýhanasyna jetkizildi. Sebebi dene jaraqatyn alǵan.
Keltirilgen zalal mólsheri anyqtalyp jatyr.
Kólik Shiderti kentinde jumystardy oryndaıtyn merdiger uıymǵa tıesili. Ol arnaıy aıypturaqqa qoıyldy.
Bótenniń múlkin abaısyzda joıý nemese búldirý faktisi boıynsha sotqa deıingi tergeý júrgizilip jatyr», – dep habarlady Ekibastuz qalalyq polıtsııa basqarmasy patrýldik polıtsııa rotasynyń komandıri Azamat Kúrkebaev.
Aıta keteıik, bıyl Pavlodar oblysynyń aýmaǵynda 318 jol-kólik oqıǵasy tirkeldi. Saldarynan 50 adam kóz jumyp, 501 adam jaraqat aldy. Mas júrgizýshilerdiń kinásinen 7 jol apaty bolyp, úsh adam mert boldy, taǵy 23-i túrli jaraqattar aldy.