Pavlodar oblysynda júk kóligi kópirge soǵyldy
PAVLODAR. QazAqparat – Pavlodar oblysynda júk kóliginiń júrgizýshisi kópirge soǵyldy, dep habarlaıdy «QazAqparat» HAA tilshisi.
«16 qarasha kúni saǵat 16:00 shamasynda Pavlodar-Qyzylorda tasjolynyń Bereke aýyly mańynda ornalasqan kópirdegi jolaıyryqta «Shacman Sx» markaly avtokóliktiń 1968 jyly týǵan júrgizýshisi jóndeý jumystaryn oryndap júrgen. Kópirdiń jol aıyryǵynda tıelgen topyraqty tógip, kýzovty túsirýge umytyp ketken. Qozǵalysyn ári jalǵastyrǵan mashına kópirdiń betondy tiregine soǵylǵan», - dep málim etti Pavlodar oblystyq Polıtsııa departamentiniń baspasóz qyzmetinen.
Aqparatqa sáıkes, apat saldarynan júrgizýshi jaraqat alyp, aýrýhanaǵa jetkizildi, kóliktiń kýzovy búlingen. .
«Júrgizýshige qatysty QR Ákimshilik quqyqbuzýshylyq týraly kodekstiń 610-babynyń 1-tarmaǵy «Kólik quraldaryn, júkterdi, joldardy, joldaǵy jáne basqa da qurylys jaılardyń nemese ózge de múliktiń búlinýine alyp kelgen, materıaldyq zalal keltirgen kólik quraldary júrgizýshileriniń jol júrisi qaǵıdalaryn buzýy» boıynsha ákimshilik is qozǵaldy», - dedi polıtsııada.
