Pavlodar oblysynda joldardy jóndeýge 54 mlrd teńge jumsaldy
PAVLODAR. QazAqparat - Pavlodar oblysynda joldardy jóndeý jumystary aıaqtalyp keledi, dep habarlaıdy pavlodarnews.kz.
Bul týraly búgin oblystyq ákimdikte bolǵan apparattyq keńeste aımaqtyq jolaýshylar kóligi jáne avtomobıl joldary basqarmasy basshysynyń mindetin atqarýshy Rınat Qoısoımasov málim etti. - Bıyl myńnan asa shaqyrym jol jóndeldi, - dedi Rınat Qoısoımasov. - Bul sharaǵa 54 mıllıard teńge jumsaldy. Onyń 12,4 mıllıardy jergilikti joldardy, al 42 mıllıardy respýblıkalyq joldardy jóndeýge ketti. Jyldyń sońyna deıin barlyq ýchaskelerdegi jumys tolyqtaı aıaqtalady».
Elbasynyń tapsyrmasyna sáıkes týrızm damyp jatqan eldi mekenderdiń joldarynda jóndeýge basymdyq beriledi. Búgingi tańda Baıanaýyl aýdanynda alty mıllıard teńgege 10,7 shaqyrym jol jóndeýden ótip jatyr.
