Pavlodar oblysynda jolda turyp qalǵan adamdar sany 500-den asty

PAVLODAR. QazAqparat - Ekibastuz qalasyna qarasty Shiderti kenti mańynda joldyń jabyq bolýyna baılanysty 270 tehnıka jınalyp qaldy, dep habarlaıdy QazAqparat Pavlodarnews.kz-ke silteme jasap.

Oblystyq TJD baspasóz qyzmetiniń málimetinshe, onyń ishinde 115-i júk, 155-i jeńil avtokólik, adamdardyń jalpy sany - 511, onyń ishinde 12-si bala.

«Bes jylytý pýnkti daıyn – «Sarýhan», «Aqjol» qonaq úıleri, Shiderti kentiniń meshiti, JOBBM, dene shynyqtyrý-saýyqtyrý kesheni. «Sarýhan» qonaq úıinde 16 adam (5 jeńil avtokólik), «Aqjol» qonaq úıinde 6 adam jáne Shiderti kentindegi meshitte 21 adam, onyń ishinde 3 bala (5 jeńil avtokólik) ornalasqan», - dedi departamentten.

«QazAvtoJol» UK» AQ qyzmetkerleri 12 tehnıkamen avtojoldy tazalaýda. TJD 2 qyzmetker jáne bir tehnıka, JPQ 4 qyzmetker jáne 2 tehnıka, JAO 2 adam jáne bir tehnıka tartyldy.

Aıta keteıik, 12 qańtarda aýa raıy jaǵdaıynyń nasharlaýyna baılanysty barlyq baǵyttar boıynsha kóliktiń túgel túri úshin joldar jabylǵan. Shiderti kentinde kólik keptelisi oryn aldy.

Foto: pavlodarnews.kz