Pavlodar oblysynda jolda qalǵan 35 adamǵa kómek kórsetildi
PAVLODAR. QazAqparat - Omby-Maıqapshaǵaı tas jolynda Higer markaly avtobýstyń jolaýshylaryna kómek kórsetildi, dep habarlaıdy pavlodarnews.kz.
Bul týraly oblystyq TJD-nyń baspasóz qyzmeti málim etti.
«Kezekshilik bólimine 16 aqpan kúni saǵat túngi bir jarymda Tereńkól aýylynyń janynda kóliktiń isten shyqqany týraly habarlama tústi», - deıdi departamentte.
TJD basqarmasynan eki adam men bir tehnıkanyń kómegimen 30 jolaýshy № 2 jalpy orta bilim berý mektebinde ornalasqan jylytý pýnktine jetkizildi. Pavlodar - Omby baǵytynda jolǵa shyqqandardyń ishinde Reseı eliniń azamattary men eki bala bolǵan. Olar saǵat 16.35-te qosymsha avtobýspen sapardy jalǵastyrdy.
Budan basqa, 17 aqpan kúni Baıanaýyl aýdany Josaly aýylynyń janynda oblystyq TJD qyzmetkerleriniń kómegimen qar qursaýynan bes jolaýshy otyrǵan jeńil kólik shyǵaryldy. Eki jaǵdaıda da adamdardyń eshqaısysyna medıtsınalyq kómek qajet bolmady.
