Pavlodar oblysynda jolda qalǵan 12 jolaýshy qutqaryldy
ASTANA. QazAqparat - Pavlodar oblysynda jolda qalǵan 12 jolaýshy qutqaryldy. Bul jaıynda QR ІІM Tótenshe jaǵdaılar komıtetiniń resmı ókili Nursultan Nurahmetov aıtty, dep habarlaıdy QazAqparat tilshisi.
Onyń aıtýynsha, búgin Pavlodar oblysynyń Baıanaýyl aýdanyna qarasty Maıqaıyń aýylyna jaqyn jerde, «Qalqaman-Baıanaýyl-Kerneı» avtojolynyń 135-shi shaqyrymynda «Mersedes» markaly jolaýshylar avtobýsy buzylǵan. «Pavlodar-Baıanaýylǵa» qatynaıtyn avtobýsta 12 jolaýshy bolǵan.
«Pavlodar oblystyq tótenshe jaǵdaılar departamentiniń mamandary olardy saǵat 12-00-de qutqaryp, Maıqaıyń aýylyndaǵy jylytý pýnktine jetkizdi. Jolaýshylarǵa medıtsınalyq kómek qajet bolǵan joq. Saǵat 14-25-te barlyq jolaýshylar jol-jónekeı kóliktermen dittegen jerlerine attanyp ketti», - dedi resmı ókil.
