Pavlodar oblysynda jolaýshylar toly avtobýs órtendi
PAVLODAR. QazAqparat - Pavlodar oblysynda jolaýshylar toly avtobýs órtendi. Oqıǵa ornynda Pavlodar qalasy TJB jáne órt zerthanasy jumys isteýde, dep habarlaıdy QazAqparat Ravlodarnews.kz-ke silteme jasap.
Oblystyq TJD baspasóz qyzmetiniń málimetinshe, Pavlodar – Lenın kenti tas jolynda № 38 markaly MAZ avtobýsynan órt shyqqan.
- Kólik № 1 avtobýs parkine tıesili. Jalyn 15 sharshy metr alańdy qamtyǵan. Órt týraly habarlama saǵat 08.49-da tirkelip, saǵat 09.07-de tolyqtaı sóndirildi, - deıdi vedomstvoda.
Kólikte bolǵan 40 adam ózdiginen syrtqa shyqqan. Qaza bolǵandar men zardap shekkender joq. Tilsiz jaýdyń shyǵý sebebi men keltirilgen shyǵyn kólemi anyqtalýda.
Órtti sóndirýge AQJ jáne órt sóndirý qyzmetinen eki tehnıka men toǵyz adam jumyldyryldy.
