Pavlodar oblysynda jol kútimine jaýapty 126 laýazymdy tulǵa jazalandy
PAVLODAR. QazAqparat –Pavlodar oblysynda avtojoldar kútimine qatysty 126 laýazymdy tulǵa jaýapkershilikke tartyldy, dep habarlaıdy Ravlodarnews.kz.
Oblystyq polıtsııa departamenti baspasóz qyzmetiniń aqparatyna sáıkes, bıylǵy jyldyń 7 aıynda oblys boıynsha 299 jol-kólik oqıǵasy oryn alyp, saldarynan 20 adam qaza tapqan jáne 425 adam jaraqat aldy. Ókinishke oraı, jol apaty oqıǵalarynda 3 bala kóz jumǵan.
- Jol-kólik oqıǵalarynyń jalpy sanyn, óńir joldaryndaǵy jaraqattaný men ólim-jitim deńgeıin tómendetý maqsatynda polıtsııa departamenti turaqty negizde jalpy paıdalanatyn joldarǵa, onyń ishinde respýblıkalyq jáne jergilikti mańyzy bar joldarǵa tekserý júrgizedi. Tekserý nátıjeleri boıynsha joldardy kútip ustaýǵa jaýapty tulǵalardyń atyna jol-kólik oqıǵalarynyń oryn alýyna yqpal etetin sebepter men jaǵdaılardy joıý týraly 827 uıǵarym engizildi, - deıdi departamentte.
Sonymen qatar, kórsetilgen kezeńde azamattardyń ótinishteri boıynsha kúrdeli qıylystarda 75 stroboskop, 3 baǵdarsham nysany ornatyldy, 2000-nan astam jol belgisi ornatyldy jáne aýystyryldy, 12000 sharshy metrden astam belgi jańartyldy.
Avtojol ýchaskelerine óńirdiń polıtsııa qyzmetkerleri turaqty túrde tekserý ótkizedi.
