Pavlodar oblysynda jol apatynan jaıaý júrginshi qaza tapty
PAVLODAR. QazAqparat - Pavlodar oblysynda jol apaty saldarynan jaıaý júrginshi qaza tapty. Qaıǵyly oqıǵa Ekibastuz - Leshoz avtojolynda oryn alǵan, dep habarlaıdy QazAqparat Pavlodarnews.kz-ke silteme jasap.
- «Mıtsýbısı Montero» avtokóliginiń 60 jastaǵy júrgizýshisi 1972 jyly týǵan jaıaý júrginshini qaǵyp ketti. Zardap shekken adam alǵan jaraqattarynan aýrýhanada qaıtys boldy, - dedi Pavlodar oblysy polıtsııa departamenti bastyǵynyń birinshi orynbasary Jasqaırat Qaıyrov.
Polıtsııada avtokólik aıyp turaǵyna qoıylǵanyn habarlady. Atalǵan fakti boıynsha júrgizýshige qatysty Qazaqstan Respýblıkasy QK 345-baby 3-bóligine sáıkes sotqa deıingi tergeý bastaldy.
Aıta keteıik, aǵymdaǵy jyldyń basynan beri Pavlodar oblysynyń aýmaǵynda 278 JKO tirkelgen, saldarynan 20 adam qaza taýyp, 410 adam jaraqat alǵan.
