Pavlodar oblysynda jol apatynan sábı men eki eresek adam qaza tapty
PAVLODAR OBLYSY. QazAqparat - Pavlodar-Qyzylorda tasjolynda eki kóliktiń soqtyǵysýy saldarynan eki aıǵa tolmaǵan sábı men eki eresek adam qaza tapty, dep habarlaıdy QazAqparat tilshisi.
«Pavlodar-Qyzylorda tasjolynyń 178 shaqyrymynda saǵat 22.00-de «Toyota Avensis» markaly kóliktiń júrgizýshisi mas kúıinde kólikti tizgindep, qarsy jolaqqa shyǵyp ketedi. Ol jol qozǵalysy qaýipsizdigin qamtamasyz etpeı, 41 jastaǵy júrgizýshi júrgizip kele jatqan «Daihatsu» markaly kólikpen soqtyǵysqan. Oqıǵa saldarynan «Daihatsu» júrgizýshisi men onyń eki jolaýshysy: 36 jastaǵy áıel men 18.03.2018 jyly týǵan ul bala alǵan jaraqaty saldarynan qaza tapty», - dep habarlady Pavlodar oblystyq ІІD-de.
Polıtsııa osy fakti boıynsha QR QK 345-baby 4-bóligi boıynsha sotqa deıingi tergeý jumystaryn júrgizip jatyr. Sot-medıtsınalyq saraptamasy taǵaıyndaldy. Kóliktiń júrgizýshisi ustaldy.
