Pavlodar oblysynda jol apatynan eki adam mert boldy
PAVLODAR. QazAqparat - Pavlodar - Astana tas jolynda eki kólik soqtyǵysyp, eki adam qaza tapty, beseýi (ishinde eki bala bar) aýrýhanaǵa jetkizildi, dep habarlaıdy QazAqparat tilshisi.
«2016 jyly týǵan sábı jabyq bas súıek-mı jaraqatyn aldy. Oǵan dárigerler ortasha aýyr deńgeıdegi mı jaraqaty dıagnozyn qoıyp otyr. 2018 jyly týǵan ekinshi bala dál osylaı jabyq bas súıek-mı jaraqatyn alǵan, sondaı-aq, ortasha deńgeıdegi mı jaraqaty men eńbek súıegi synǵan dep dıagnoz qoıylyp otyr. Ekeýi de oblystyq balalar aýrýhanasyna jetkizildi», - dedi Pavlodar oblysy Densaýlyq saqtaý basqarmasy baspasóz qyzmetiniń ókili.
Belgili bolǵandaı, jańadan salynyp jatqan Pavlodar-Astana tas jolynyń 45- shaqyrymynda, Aqsý qalasynyń Spýtnık pen Qalqaman aýyldarynyń arasynda eki jeńil avtokólik betpe-bet soqtyǵysqan. Oqıǵa ornyna jaqyn mańdaǵy trassalyq medıtsınalyq-qutqarý pýnktiniń jasaǵy bardy.
Oqıǵanyń sebepteri men mán-jaıy anyqtalyp jatyr.
